Jazz Cash Account Open Karne Ka Tarika - Complete Guide

Mobicash ya Jazz Cash Account open karne ke kaafi benefits hote hain. Especially agar aap pakistan mein rahte hain to yeh aap ke liye bohat achi service hai. Jazz Cash ek payment processor hai jis ke zariye aap paise send aur receive kar sakte hain. Agar aap business man ya koi karobaar karte hain tab bhi Jazz Cash ek kaafi cheap aur achi service hai jis se aap paiso ka len den kar sakte hain. To agar aap ne abhi tak Jazz Cash/Mobicash ka account create nahi kiya to aaj mai aap ko step by step process bataoon ga jis se aap apna account create kar sakte hain. To agar aap yeh sab jaan na chahte hain ke Mobicash ka account kaise create kiya jata hai to is article ko parhte rahe.


Jazz Cash Account Open Karne Ka Tarika - Complete Guide




    About Mobicash

    Mobicash ya Jazz cash Mobilink walo ki service hai. Jis se aap bohat kam fee par kisi ko paise bhej aur mangwa sakte hain. Mobicash ki apni ek app bhi hai  jo ke bohat aasan, easy to use hai. Mobicash ek bank account ki tarha hota hai jo ke aap kahin se bhi operate kar sakte hain. Aur apne financial muamlaat ko easily deal kar sakte hain.


    Jazz Cash Benefits

    Mobicash ko agar hum specifically Pakistan ke perspective mein dekhe to yeh hamare liye ek bohat achi, easy to acces aur cheap  service hai. Jis ko har koi ba-asanai use kar leta hai. Is ke ilawa Mobicash ke aur bhi bohat se benefits hain jin ko hum one by one discuss kar lete hain.


    • Mobicash se aap kahin jaaye begair apne mobile account se paise send aur receive kar sakte hain.
    • Mobicash ke zariye aap paise apne ya kisi dusre ke bank account mein paise send kar sakte hain.
    • Is se aap ghar baithe electricity, telephone aur gas ke bills pay kar sakte hain.
    • IMobicash/Jazz cash se aap apne ya kisi aur mobile number par paise load kar sakte hain.
    • Is se aap kisi dusre se paise mangwa sakte hain. 
    • Ab aap ko kisi bank jaane ki zarurat nahi hai balke apne ghar mein baithe huway payments handle kar 


    Jazz Cash Account Features



    • All in one service at your finguretip.  Ab aap kahin jaaye bagair paise send aur receive kar sakte hain.
    • Aap apna khud ka Jazz Cash ATM Card bhi banwa sakte hain.
    • Jazz Cash ka interface bohat simple aur aasan hai jo har koi easily use kar sakta hai.
    • Jazz Cash ek cheapeast resource hai jis se har koi paise send/receive, Money transfer, Pay utility bills aur bohat saare kaam kar sakta hain.
    • Ab baar baar bank jaane ki zarurat nahi hai. Ab aap apne tamaam financial muamlaat ghar ya dukan par baithe saranjaam de sakte hain.
    • Ek din mein maximum 40000/- Rs ki transaction kar sakte hain jo ke easily increase bhi ho sakti hai.


    Jazz Cash Account Open Karne Ka Tarika


    Mobicash ya Jazzcash account create karne ke basically 2 methods hain. Aur mai aap ko dono tariko se account banan sikhaoon ga. 


    1st Method (Using Any Mbile)


    Agar aap ke pass android mobile nahi hai to pareshani wali koi baat nahi hai. Kyon ke aap is ke without bhi jazzcash ka account create kar sakte hain. Account banane ke liye neeche bataye gaye steps ko follow kare.


    Step 1=> Apne mobile se *786# dial  karen.

    Step 2=> Agar woh number jis se aap ne yeh code milaya hai aap ke naam par registered hoai, to aap ko ek verification code milay ga jis ko aap ko likh kar reply karna ho ga. 

    Note:- Agar yeh SIM Card aap ke CNIC number par register nahi ho ga to aap se aap ka CNIC number ya koi aur verification mangi jaye gi. To jo aap se manga jaye woh aap ne bilkul sahi likh kar reply kar dena hai.

    Step 3=> Thori der mein aap ko Jazzcash ki TPin receive ho jaye gi. Jis se aap apne Jazzcash ke account mein login karen ge. Aap yeh PIN baad mein change bhi kar sakte hain.

    Jab aap ko PIN receive ho jaye gi to aap apne Jazzcash account ko use kar sakte hain. Apne account ko open karne ke liye aap ko ek baar phir *786# dial karna ho ga.


    2nd Method (Jazz Cash/Mobicash App)


    Step 1=> Sab se pahle playstore ko open kare aur wahan Jazzcash likh kar search kare. Aur is ko apne android par install kar len.

    Step 2=> Install kar lene ke baad Jazzcash ki aap ko open kare. Yahan par aap se aap ka mobile number maange ga. To aap ne apna Jazz ka mobile number add kar ke contine par click kar dena hai.

    Step 3=> Next screen par aap se aapka CNIC number, name, aur kuch usri information input karne ko kaha jaye ga. To aap se jo bhi information mangi jaye woh aap ne bilkul accurate daal deni hai aur I agree ko tick kar ke continue ka button press kar dena hai.

    Step 4=> Ab aap ko 4 digits par mushtamil MPin set karna ho gi. To aap ne apni marzi ki MPin set kar leni hai.


    Congratulations aap ka Jazzcash ka account ban chuka hai. Ab aap Jazzcash aap se easily paise send/receive kar sakte hain.




    Jazz Cash ATM Card


    Agar aap koi business run karte ya aap kaafi daily basis par transaction karte hain to Jazzcash ATM (Jazz Cash Debit Card) aap ke liye kaafi important ho sakta hai. To agar aap Jazzcash/Mobicash ka ATM card banwana chahte hain to aap kisi bhi Mobilink franchise ko visit kar ke JazzCash ka ATM card haasil kar sakte hain. Jis ke against aap ko thori fee pay karna pare gi.


    Mobicash Charges

    Mobicash ya Jazz Cash account bilkul free of cost banta hai. Lekin har transaction par 1000 RS par 30 Rs fee li jaati hai. Jo meray khayal mein bohat cost efficient aur normail hai. 

    Conclusion

    Jazz Cash ek bohat achi aur sasti service hai jis se aap puray Pakistan mein paise send aur receive kar sakte hain. Aur agar aap kisi business ko chalate hain ya len den ke muamlaat karte hain to Jazz Cash aap ke liye aur bhi beneficial ho sakta hai. To agar aap ne abhi tak Jazz Cash account open nahi kiya to aaj hi kar len aur is ki services ka fayida uthayein.

                                          

    0 Comments